“Mandatory Drug Test sa mga Guro at Estudyante sa mga Pampublikong Paaralan”

Ni: Rona Jean M. Diaz

Napaulat na sa marami ng pahayagan sa buong bansa na pumapasok na  sa mga paaralan ang mga Drug Pushers upang hikayatin ang mga mag-aaral na sumubok ng ilegal na droga at minsan pa umano ay mismong estudyante ang ginagawang drug courier at runner ng mga sindikato ng ilegal na droga, dahil ang mga menor de edad ay hindi maaaring gawing criminally liable sa ilalim ng Juvenille Law.

Dahil sa pangyayaring ito, maraming  sektor ang sumang-ayon na ipatupad sa bawat pampublikong paaralan sa Pilipinas ang Mandatory Drug Test sa mga guro at estudyante upang tuluyan ng mailayo ang mga learning institution sa masamang epekto ng ilegal na droga. Ako, bilang isang kabataan, sumasang-ayon ako dahil para ito sa kapakanan ng bawat kabataan at mamamayan ng Pilipinas.

May iilang sektor na nagsasabi na kabawasan lamang ito sa pera ng bayan. Mali ang kanilang pananaw, sa halip na gastusin sa mga proyektong hindi matapos-tapos, gatusin na lamang ito sa pagpugso ng ilegal na droga. Marapat lamang na simulan ito sa paaralan upang maraming kabataan ang mabigyan ng atensyon  ng ating  gobyerno.

Habang maaga pa simulan na, isipin natin na pag ang isang mangga ang nabulok sa loob ng kahon ay maapektuhan ang iba pang mangga paglumaon. Hindi ito kabawasan, layunin lamang ng gobyerno na ilayo ang kabataan sa droga at sisimulan ito sa paaralan.